Гомельскія ратавальнікі наважылі купіць дэтэктар хлусні

За $11 тысяч.

Гомельскае абласное ўпраўленне МНС хоча закупіць да канца бягучага года паліграф. На пакупку, якая не звязана з прафесійнай дзейнасцю ратавальнікаў, МНС гатова аддаць 34 000 рублёў (амаль 11 000$) са сродкаў бюджэту, піша «Флагшток».

У адпаведнасці з матэрыяламі дзяржзакупкі, ратавальнікі хочуць закупіць «прафесійны камп'ютарны паліграф» з 14 датчыкамі (уключаючы датчыкі мімікі твару, дыхання, рухальнай актыўнасці, скурнагальванічнай рэакцыі).

У заяўцы МНС няма апісання таго, як будзе выкарыстоўвацца прыстасаванне. Са звестак тэндэру вядома, што дакументы на набыццё паліграфа зацверджаныя ў Менску начальнікам рэспубліканскага атрада спецыяльнага прызначэння «ЗУБР» Ігарам Зарэмба, за набыццё прылады ў Гомелі адказвае падпалкоўнік унутранай службы Андрэй Аверкін.