Нямецкі зброевы гігант Rheinmetall запускае вытворчасць ва Украіне

Ужо налета.

Нямецкі канцэрн Rheinmetall пачне вырабляць бронетэхніку ва Украіне ўжо налета. На заводзе будуць выпускаць бронетранспарцёры Fuchs і баявыя машыны пяхоты Lynx, паведаміў гендырэктар кампаніі Армін Папергер у інтэрв'ю WirtschaftsWoche.

Ён чакае, што адпаведная дамова з Украінай будзе заключаная ў пачатку 2024 года. «Пасля падпісання кантракту мы хочам скончыць першы Fuchs на працягу 6-7 месяцаў, а першы Lynx – на працягу 12-13 месяцаў», – удакладніў Папергер.

З ягоных слоў, серыйная вытворчасць БТР ва Украіне пачнецца ў канцы лета 2024 года, а БМП – летам 2025-га. Пры гэтым выпуск танкаў Panther пакуль не разглядаецца.

Папергер дадаў, што Rheinmetall не збіраецца будаваць ва Украіне новыя заводы – замест гэтага канцэрн плануе арандаваць і пераабсталяваць існыя магутнасці. Ён уважае, што сумеснымі намаганнямі ўдасца гарантаваць іх бяспеку. «Яны, здаецца, дастаткова добра абароненыя, – прынамсі, гэта паказаў досвед апошніх двух гадоў вайны», – адзначыў Папергер.

У кастрычніку гэтага года АТ «Украінская абаронная прамысловасць» і Rheinmetall зарэгістравалі сумеснае прадпрыемства. Яно павінна дапамагчы з мясцовай вытворчасцю ключавога абсталявання, а таксама абслугоўваннем і рамонтам заходняга ўзбраення. Паведамлялася, што прадпрыемства будзе базавацца ў Кіеве. Перш за ўсё плануецца наладзіць рамонт нямецкай тэхнікі, у тым ліку PzH 2000 – самаходных артылерыйскіх установак (САУ) кампаніі Krauss-Maffei Wegmann.

Rheinmetall зʼяўляецца найбуйнейшым абаронна-прамысловым партнёрам Украіны. У 2022 годзе канцэрн атрымаў заказы на €900 млн, а ў 2023-м іх абʼём павялічыўся да €2,5 млрд. Папергер прагназуе, што налета тэндэнцыя працягнецца.

У сакавіку кіраўнік Rheinmetall казаў пра планы пабудаваць у Украіне танкавы завод вытворчасці найноўшых танкаў Panther. Тады Папергер адзначаў, што кошт праекту складзе амаль €200 млн, прадпрыемства зможа выпускаць да 400 машын у год. Panther – апошняя мадэль сучасных баявых танкаў Rheinmetall. Іх пакуль не выкарыстоўвае ніводнае войска свету. Цяпер яны знаходзяцца ў стадыі перадсерыйнага прататыпа.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com