23 лiпеня 2024, aўторак, 6:27
Падтрымайце
сайт
Сім сім,
Хартыя 97!
Рубрыкі

УСУ пацвердзілі расстрэл акупантамі бяззбройных украінскіх ваеннапалонных

4
УСУ пацвердзілі расстрэл акупантамі бяззбройных украінскіх ваеннапалонных

Расея адкажа за злачынства.

Ва УСУ пацвердзілі інфармацыю медыя пра расстрэл украінскіх ваеннапалонных.

Пра гэта паведамляе Страткам УСУ.

«Расейская Федэрацыя чарговы раз парушыла законы і звычаі вайны, нормы міжнароднага права. На кадрах, апублікаваных у медыя, паказанае пакаранне смерцю двух ваеннапалонных Узброеных сілаў Украіны. Паводле пацверджанай інфармацыі, расейскія акупанты каторы раз падступна расстралялі бяззбройных салдатаў», – паведамлена на канале.

УСУ заклікалі міжнародную грамадскасць адрэагаваць і змусіць ваеннае кіраўніцтва Расеі да адказнасці.

«Заклікаем міжнародную грамадскасць асудзіць дзеянні Расеі і змусіць ваеннае кіраўніцтва краіны-агрэсаркі да адказнасці», – напісалі на канале.

Кадры расстрэлу расейцамі палонных байцоў УСУ можна паглядзець праз гэтую спасылку.

Раней ва УСУ паведамілі, што правяраюць відэа расстрэлу расейскімі акупантамі ўкраінскіх вайскоўцаў, якія здаваліся ў палон, верагодна, каля Стэпавага Данецкай вобласці.

Сярод іншых тэлеграм-канал DeepState выклаў відэа, на якім відаць, як група акупантаў расстрэльвае двух вайскоўцаў падчас таго, як яны выходзілі з бліндажа. На відэа відаць, што адзін з вайскоўцаў трымаў рукі за галавой.

Паводле звестак DeepState, гэта адбылося каля Стэпавага, калі расейцы зайшлі на пазіцыі 45-га асобнага стралковага батальёна. «Вораг зайшоў на пазіцыі 45-га АСБ. Падчас зачысткі расейцы знайшлі бліндаж, у якім былі нашы хлопцы. Яны змушана здаваліся праз нястачу БК. Адразу як выйшаў другі баец... проста расстралялі абодвух», – адзначаецца ў паведамленні.

На запыт «Украінскай праўды» пацвердзіць гэтыя падзеі, прэс-сакратар АСВУ «Таўрыя» Аляксандр Штупун сказаў: «Расейскія акупанты штодня цынічна парушаюць правілы вядзення вайны. І гэтае відэа – абуральнае таму пацверджанне. Яно праходзіць адпаведныя працэдуры праверкі і дакументаванні. Падобныя злачынствы не маюць тэрміну даўніны, усе доказы будуць перададзеныя ў адпаведныя міжнародныя інстытуты, якія займаюцца вайсковымі злачынствамі».

Пры гэтым, як паведамляе hromadske, амбудсмэн Дзмітрый Лубінец ужо звернецца з гэтым відэа ў міжнародныя арганізацыі. «На відэа выразна відаць, што ўкраінскія вайскоўцы выконваюць усе неабходныя рэчы, якія паказваюць, што яны без зброі, што яны здаюцца ў палон і не нясуць ніякай пагрозы для расейскіх вайскоўцаў. Іх аўтаматычна павінны былі ўзяць у палон і надаць статус ваеннапалонных», – пракаментаваў амбудсмэн.

Ён выказаў перакананне, што ўкраінскія праваахоўныя і выведныя органы здолеюць фізічна вызначыць датычных да забойства ўкраінскіх ваеннапалонных.

Напісаць каментар 4

Таксама сачыце за акаўнтамі Charter97.org у сацыяльных сетках