Небывалыя снегапады спынілі амаль увесь рух на поўдні Нямеччыны
1- 3.12.2023, 10:43
- 7,112
У аэрапорце Мюнхена самалёт прымёрз да ўзлётнай паласы
Моцны снегапад учыніў сапраўдны хаос у некаторых раёнах паўднёвай Нямеччыны. А ў сталіцы Баварыі Мюнхене быў нават перакрыты паветраны і чыгуначны рух.
Пасля прыпынення рэйсаў да поўдня суботы адміністрацыя аэрапорта Мюнхена пазней заявіла, што ён будзе зачынены да 6 раніцы нядзелі.
Прадстаўнік аэрапорта паведаміў, што надвор'е перанесла або прыпыніла 760 рэйсаў. Паводле звестак метэаралагічных службаў Нямеччыны, за ноч з пятніцы на суботу выпала больш за 40 сантыметраў снегу.
Апублікаванае таксама відэа з міжнароднага аэрапорта Мюнхена, дзе самалёт прымёрз да ўзлётнай паласы.
Jets bound for COP28 Climate Change Conference have frozen in Munich, Germany.
— DD Denslow 🇬🇧 (@wolsned) December 2, 2023
Priceless 😂pic.twitter.com/bGb2hLViB5
Мясцовыя ўлады папрасілі жыхароў у мэтах іх бяспекі заставацца дома. Зімовае надвор'е таксама парушыла рух цягнікоў, а чыгуначны аператар Deutsche Bahn заявіў, што «галоўны вакзал Мюнхена працаваць не можа».
With 44 cm left on the ground this morning, Munich, Germany has officially experienced its biggest December snowstorm on record.
— Nahel Belgherze (@WxNB_) December 2, 2023
pic.twitter.com/qMqEHoQiLj
У паведамленні гаварылася, што падарожнікам трэба рыхтавацца да затрымак і скасавання рэйсаў па ўсім рэгіёне. І гэта пры тым, што большасць аўтобусаў, трамваяў і прыгарадных цягнікоў у Мюнхене спынілася.
When you are stuck in a snowstorm but at least it looks beautiful.#Schnee #Munich #München pic.twitter.com/0XeUIJ40bU
— Vishu Sharma (@vishu_sharma1) December 2, 2023
Never seen Munich so heavy with snow. Der Schnee ist thicc pic.twitter.com/71PMMUzrXn
— Dr. Simon 🎄. 🎁. Clark (@Kelpiesi) December 2, 2023
Футбольны матч паміж мюнхенскай «Баварыяй» і берлінскім «Юніён Берлін» таксама быў скасаваны.
На астатняй частцы Нямеччыны цягам некалькіх дзён ішоў снег і былі нізкія тэмпературы. Згодна з прагнозамі сіноптыкаў, найбольшая колькасць снегу чакаецца ў суботу ў Альзе на поўдні Баварыі, дзе, паводле прагнозаў, выпадзе яшчэ 30–40 сантыметраў.
Current situation in Munich ❄️🇩🇪 pic.twitter.com/YvQ6mIYIEe
— Shaimaa Samir (@shaimou2a) December 2, 2023