Як хутка і бяспечна размарозіць лабавое шкло машыны зімой

Спатрэбяцца ўсяго два простыя інгрэдыенты.

Просты раствор усяго з двух інгрэдыентаў дапаможа размарозіць зледзянелае лабавое шкло ў аўтамабілі ўсяго за некалькі хвілінаў.

Адтаванне абледзянелага шкла ў машыне з дапамогай абдзімання печкі можа адабраць нямала часу. Як зрабіць гэта эфектыўна, хутка і без усялякай рызыкі, высвятляў «Фокус».

Каб размарозіць лабавое шкло ў аўтамабілі, трэба зрабіць просты раствор усяго з двух інгрэдыентаў. Для гэтага спатрэбіцца:

моцны алкагольны напой (гарэлка ці самагон);

вада;

бутэлька з распыляльнікам.

Як хутка размарозіць шкло ў аўтамабілі

Для таго каб пазбавіцца наледзі на шкле трэба:

Развесці алкаголь вадой у прапорцыі 1:2 і наліць яго ў распыляльнік.

Распыліць раствор на шкло.

Выдаліць лёд з дапамогай мяккага скрабка ці шчоткі, калі ён крыху размягчыцца.

Важна: ні ў якім разе не спрабуйце размарозіць шкло з дапамогай гарачай вады. Яно можа лопнуць праз рэзкі кантраст тэмператураў, асабліва калі ўжо ёсць мікрашчыліны.

Як прадухіліць наледзь на лабавым шкле

Напярэдадні маразоў накрыйце шкло аўтамабіля адмысловым чахлом ці проста шчыльнай тканінай адпаведнага памеру, заціснуўшы яе дзвярыма машыны.

Таксама можна набыць спецыяльны спрэй «антылёд», які не толькі здыме наледзь, але і будзе перашкаджаць яе з'яўленню. Як правіла, такія сродкі прадаюцца на шматлікіх АЗС, у супермаркетах і спецыялізаваных крамах для аўтамабілістаў.

Нагадаем, што трэба ведаць кіроўцам перад халадамі і як падрыхтаваць аўтамабіль да зімы. Падрыхтоўка аўтамабіля да зімовага сезону патрабуе пэўных намаганняў, але яна дазволіць засцерагчы сябе. Гэтыя парады дапамогуць вам прасцей справіцца з зімовым сезонам.