Выйшаў трэйлер другога сезона серыяла «Дом дракона» – прадгісторыя «Гульні тронаў»

Калі выйдзе другі сезон.

Тэлеканал HBO прэзентаваў першы афіцыйны трэйлер працягу серыяла «Дом дракона». Анонс адбыўся 2 снежня на Comic Con Experience 2023.

Другі сезон прадгісторыі «Гульні тронаў» павінен з'явіцца на экранах летам 2024 года, дакладная дата пакуль невядомая. У шоў будзе восем эпізодаў.

Падзеі серыяла адбываюцца за два стагоддзі да апісаных у «Гулі тронаў». Шоў заснавана на кнізе Джорджа Марціна «Полымя і кроў». У ім распавядаецца аб супрацьстаянні двух родаў дома Таргарыенаў, што прывяло да грамадзянскай вайны, апісанай у «Скокі драконаў».

Якраз крывавая грамадзянская вайна і будзе ў цэнтры сюжэту ў другім сезоне серыяла.

Здымкі сезона праходзілі вясной-восенню гэтага года. У карціне выступілі Эма Д’Арсі, Алівія Кук, Мэт Сміт, Рыс Іванс і іншыя акторы. Аўтарам і прадусарам серыяла зʼяўляецца Раян Кандал.

Нагадаем, першы сезон «Дома дракона» выйшаў на экраны ў жніўні 2022 года і атрымаў высокія адзнакі крытыкаў і гледачоў, а таксама прэмію «Залаты глобус» як найлепшая тэлевізійная драма.