У Брусэлі праходзіць шматтысячнае шэсце кліматычных актывістаў
8- 3.12.2023, 19:24
- 2,332
Акцыю прымеркавалі да дат кліматычнага саміту ў Дубаі.
У Брусэлі праходзіць вялікая дэманстрацыя кліматычных актывістаў на фоне кліматычнага саміту ў Дубаі.
Пра гэта паведамляе «Еўрапейская праўда».
Шэсце пачалося з вакзала Брусэль-Поўнач і накіроўваецца ў Парк пяцідзесяцігоддзя. Арганізатары анансавалі ўдзел да 30 тысяч чалавек, рэальная колькасць удзельнікаў пакуль невядомая, хаця гэта відавочна тысячы людзей.
Festive start to massive climate change march in bone-chilling Brussels pic.twitter.com/e4VKCy2NU4
— Gareth Harding 🇺🇦 (@garethharding) December 3, 2023
Галоўным лозунгам дэманстрацыі з'яўляецца патрабаванне да еўрапейскіх урадаў рабіць больш для больш прыязнай да навакольнага асяроддзя прамысловасці, большай энергаэфектыўнасці і іншых мер, якія дапамаглі б запаволіць кліматычныя змены.
Акцыю прымеркавалі да дат кліматычнага саміту ў Дубаі, дзе краіны-падпісанты Рамачнай канвенцыі ААН у змяненні клімату на працягу двух тыдняў будуць абмяркоўваць, як не дапусціць глабальнага пацяплення больш як на 1.5°C.