У Кангрэсе ЗША могуць ухваліць пакет вайсковай дапамогі Украіне і Ізраілю да канца года

Пра гэта заявіў сенатар-рэспубліканец ад штата Аклахома Джэймс Лэнкфард.

Пакет вайсклва дапамогі Украіне і Ізраілю можа быць канчаткова зацверджаны ў Кангрэсе ЗША да канца года.

Пра гэта заявіў сенатар-рэспубліканец ад штата Аклахома Джэймс Лэнкфард, паведамляе ABC.

Пры гэтым ён дадаў, што значныя змены ў іміграцыйнай сістэме ЗША стануць часткай вайсковай дапамогі Украіне і Ізраілю.

«Мы зробім гэта ўсё разам», – сказаў Лэнкфард.

Адміністрацыя Байдэна прапанавала выдзеліць дзясяткі мільярдаў даляраў Ізраілю і Украіне на вядзенне адпаведных войнаў, а таксама 14 мільярдаў даляраў на ахову межаў. Заканадаўцы Рэспубліканскай партыі ЗША заявілі, што гэтыя сродкі павінны быць звязаныя са зменамі ў іміграцыйнай палітыцы, напрыклад, з сістэмай давання прытулку.

«Самае галоўнае – гэта магчымасць зрабіць усё правільна», – сказаў Лэнкфард.