Пад Слонімам аўтобус з дзецьмі, якія ехалі на экскурсію, трапіў у кювет
8- 4.12.2023, 10:46
- 4,558
![Пад Слонімам аўтобус з дзецьмі, якія ехалі на экскурсію, трапіў у кювет](https://i.c97.org/ai/574066/aux-head-1701675988-20231204_autobus_dtz_360.jpeg)
Яго давялося выцягваць тросам.
Недалёка ад Слоніма аўтобус з дзецьмі, якія ехалі на экскурсію, патрапіў у кювет. Яго выцягнулі тросам, дзяцей на час работ забралі ў гарадскі аўтапарк, паведамілі ў МНС.
Інцыдэнт здарыўся блізу 8.00 у нядзелю. У МНС патэлефанаваў усхваляваны кіроўца аўтобуса - ён паведаміў, што з'ехаў у кювет на трасе Р-99 недалёка ад Слоніма.
У аўтобусе, які ехаў на экскурсію, былі 47 чалавек, у тым ліку 44 дзіцяці. У ДТЗ ніхто не пацярпеў. На час правядзення буксіровачных работ дзяцей размясцілі ў будынку аўтапарка №3 Слоніма.
Работнікі МНС пры дапамозе буксіровачнага троса зачапілі аўтобус і выцягнулі яго на дарогу. Пашкоджанняў ён не атрымаў і, забраўшы дзяцей, паехаў далей.
![](https://i.c97.org/ai/574066/aux-1701675996-avtobus_slonim_0412_1.jpeg)
![](https://i.c97.org/ai/574066/aux-1701675996-avtobus_slonim_0412_3.jpeg)
![](https://i.c97.org/ai/574066/aux-1701675996-avtobus_slonim_0412_2.jpeg)