Лукашэнка ездзіў у Пекін на «бацькоўскі сход»?

Дыктатар сустрэўся з настаўнікамі сына.

Лукашэнка падчас свайго раптоўнага візіту ў Кітай пабываў у Пекінскім універсітэце. Яго суправаджаў сын Мікалай, паведамляе прэс-служба Лукашэнкі.

«Размова з сакратаром партыйнага камітэта Пекінскага ўніверсітэта, старшынёv педагагічнай рады, намеснікам старшыні камісіі ў міжнародных справах Усекітайскага сходу народных прадстаўнікоў Хаа Пінам», – гаворыцца ў паведамленні прэс-службы.

У пацвярджэнне апублікаванае фота сустрэчы, дзе па правую руку ад Аляксандра Лукашэнкі разам з чальцамі беларускай дэлегацыі сядзіць Міколка.

Раней паведамлялася, што Мікалай Лукашэнка вывучае біятэхналогіі ў Пекінскім універсітэце ў рамках адпаведнага супольнага праекта ў супрацоўніцтве паміж Кітаем і Беларуссю. Ён паступіў на біяфак БДУ і праходзіў практыку ў Кітаі.