Жыхарам Менскага раёна масава прыходзяць лісты аб самавольным захопе зямлі

Што гэта значыць?

Апошнім часам жыхары Менскага раёна пачалі атрымліваць праз пошту апавяшчэння аб самавольным заняцці зямлі. Адразу супакоім: падстаў для панікі няма, бо апавяшчэнні носяць інфармацыйны характар. Пра тое, навошта робіцца такую рассылку, і каму могуць прыйсці папераджальныя лісты, расказвае realt.by.

Высветлілася, што апавяшчэнні рассылаюць мясцовыя выканкамы. Іх задача - пазначыць факт выяўлення выкарыстання зямельнага надзелу без дакументаў і расказаць уласніку аб тым, як узаконіць самавольны пляц.

Грамадзянін, які атрымаў такое апавяшчэнне, ні ў якім разе не абвінавачваецца ў правапарушэнні. Нечага баяцца ці панікаваць не трэба. Гэта зусім не спроба прыстрашыць штрафам ці проста заклікаць да ўсведамлення.

Чаму апавяшчэнні пачалі рассылаць у масавым парадку? Рэч у тым, што ў верасні 2022 года набыў моц закон, які дазваляе легалізаваць самавольна занятыя надзелы. Зямельная "амністыя" будзе дзейнічаць да 31 жніўня 2025 года. Часу застаецца ўжо не так шмат, а людзі не спяшаюцца ўзаконьваць свае соткі з пабудовамі.

Якім чынам у мясцовых выканаўчых камітэтах вызначаюць, каму трэба накіраваць апавяшчэнне? Як адзначаюць у выканкамах, рассыланню папярэднічае маштабная работа ў суцэльнай інвентарызацыі зямель населеных пунктаў. На працягу мінулага года былі выяўлены шматлікія факты выкарыстання зямельных пляцаў без дакументаў. Напрыклад, у Калодзішчах было знойдзена 120 незарэгістраваных дамоў. Кожны такі выпадак дэталёва разбіраецца спецыялістамі, праверкі працягваюцца дагэтуль.

Ці могуць накіраваць апавяшчэнне таму, хто не займаў самавольна зямлю? Так, такое можа адбыцца. Ёсць шмат пляцаў, якія выкарыстоўваюцца грамадзянамі без належных правазасведчвальных дакументаў, але на цалкам законных падставах.