На тыдні беларусаў чакае да -17°С

Падрабязны прагноз надвор'я.

5 снежня ўмовы надвор'я ў Беларусі будзе вызначаць халодная вільготная паветраная маса, ноччу паўплывае малаактыўны атмасферны фронт. Воблачна з праясненнямі. Уначы ў многіх раёнах, днём месцамі па краіне пройдзе невялікі снег. Уначы і раніцай месцамі слабы туман.

На асобных адрэзках дарог галалёдзіца. Вецер паўднёва-заходні, паўднёвы сярэдні. Тэмпература паветра мінімальная ноччу -5… -11°С, па поўдні Беларусі паветра будзе ахалоджвацца да -15°С, максімальная днём -1… -6°С. Атмасферны ціск будзе расці, піша pogoda.by.

6 снежня захаваецца ўплыў вільготных няўстойлівых паветраных масаў. Воблачна з праясненнямі. Месцамі па краіне чакаецца невялікі кароткачасовы снег, мокры снег. Уначы і раніцай у асобных раёнах краіны слабы туман і галалёд. На асобных адрэзках дарог галалёдзіца. Вецер паўднёва-ўсходні, усходні сярэдні, днём месцамі парывісты. Тэмпература паветра мінімальная ноччу -5... -12°С, пры праясненнях да -15°С, днём максімальная тэмпература паветра складзе ад 0°С па паўднёвым захадзе да -9°С па паўночным усходзе краіны.

7 снежня тэрыторыя краіны будзе знаходзіцца на перыферыі шырокага халоднага антыцыклону з цэнтрам над паўночным усходам Еўрапейскай тэрыторыі Расеі. Воблачна з праясненнямі. Пераважна без ападкаў, толькі месцамі па захадзе краіны пройдзе кароткачасовы снег, мокры снег. Уначы і раніцай у заходніх раёнах краіны чакаюцца слабыя туман і галалёд. На асобных адрэзках дарог галалёдзіца.

Вецер паўднёва-ўсходні, усходні сярэдні, днём месцамі парывісты. Тэмпература паветра мінімальная ноччу -7… -14°С, пры праясненнях -15… -17°С, па захадзе краіны яна складзе -3… -6°С; днём максімальная тэмпература будзе ад -2°С па паўднёвым захадзе да -10°С па паўночным усходзе Беларусі.