У Таганрогу грымнуў магутны выбух: у расейцаў гістэрыка

Акупанты заявілі аб ракетнай атацы.

У расейскім Таганрогу раніцай 5 снежня грымнуў магутны выбух. Жыхары горада паскардзіліся, што ў іхніх дамах выбухной хваляй выбіла шыбы, на аўтамабілях спрацавала сігналізацыя, паведамляе obozrevatel.com.

Як пішуць у сеціве відавочцы, выбух грымнуў пад 10:27 у цэнтры Таганрога на Гогалеўскім завулку. Расейцы скардзяцца, што ў Заходнім раёне была «моцная бавоўна», якую чулі ва ўсім горадзе.

Сёй-той выказаў спадзяванне, што выбух быў наступствам работы СПА.

Пазней расейскія мэдыі заявілі аб ракетнай атацы на горад.

Пасля ў сеціве з'явіліся кадры таго ж выбуху ў Таганрогу. На відэа можна ўбачыць, як у неба ўзвіваецца чорны стаўбун густога дыму.

Расейскія прапагандысты паспяшаліся супакоіць жыхароў Таганрога, сказаўшы, што нібыта «комплексы СПА збілі варожую ракету». У гэтым нападзе яны традыцыйна абвінавацілі ўкраінскіх вайскоўцаў.