Студэнты як мінімум дзвюх беларускіх ВНУ ўдзельнічалі ў вечарыне салідарнасці з Палестынай
- 5.12.2023, 19:14
- 11,118
![Студэнты як мінімум дзвюх беларускіх ВНУ ўдзельнічалі ў вечарыне салідарнасці з Палестынай](https://i.c97.org/ai/574279/aux-head-1701792774-20231205_minsk_360.jpg)
З партрэтамі Арафата, Абаса і Лукашэнкі.
Студэнты ВНУ 29 лістапада наведалі вечарыну ў гонар Дня салідарнасці з народам Палестыны ў Менску. Там чыталі вершы «Ліст ізраільскаму салдату» і падтрымлівалі палестынскі народ, піша «Люстэрка».
![](https://i.c97.org/ai/574279/aux-1701792789-1.jpg)
У менскім Доме дружбы 29 лістапада прайшоў круглы стол салідарнасці з палестынскім народам. Сярод удзельнікаў былі студэнты Беларускага дзяржаўнага эканамічнага ўніверсітэта і філіяла Расейскага дзяржаўнага сацыяльнага ўніверсітэта. На мерапрыемстве былі тры партрэты – Аляксандра Лукашэнкі, кіраўніка Палестыны Махмуда Абаса і першага старшыні Палестынскай нацыянальнай адміністрацыі Ясіра Арафата.
![](https://i.c97.org/ai/574279/aux-1701792789-1.jpg)
У БДЭУ расказалі, што іх студэнты прачыталі вершы «Палестына, я з табой» і «Ліст ізраільскаму салдату». З вершамі выступаў актыў клуба «Маладыя аналітыкі Беларусі» – будучыя палітолагі, навучэнцы Інстытута сацыяльна-гуманітарнай адукацыі БДЭУ.
![](https://i.c97.org/ai/574279/aux-1701792789-3.jpeg)
![](https://i.c97.org/ai/574279/aux-1701792789-4.jpeg)
У філіяле РДСУ паведамілі, што на мерапрыемстве выступалі дыпламаты, дзеячы навукі і культуры. «Выступоўцы выказалі падтрымку палестынскаму народу ў барацьбе за незалежнасць», – расказалі ў філіяле ВНУ.
![](https://i.c97.org/ai/574279/aux-1701792789-5.jpeg)
Нагадаем, мерапрыемствы салідарнасці з народам Палестыны штогод праводзіць «Беларускае таварыства дружбы і культурнай сувязі з замежнымі краінамі». Кіраўніком таварыства «Беларусь – Палестына» з'яўляецца экс-міністр культуры і рэктар Рэспубліканскага інстытута вышэйшай школы пры БДУ Юрый Бондар.