УСУ разбілі падраздзяленні 144-й мотастралковай брыгады РФ у Крынках

Апублікаваны прозвішчы 73 ліквідаваных, параненых у разы больш.

У расейскіх акупантаў складаецца вельмі цяжкая сітуацыя ў раёне сяла Крынкі на левым беразе Дняпра ў Херсонскай вобласці, дзе Узброеныя сілы Украіны фармуюць плацдарм. На гэтым адцінку фронту ваюе 144-я мотастралковая брыгада УС РФ (вайсковая частка 11739), якая панесла цяжкія страты загінулымі і параненымі. Страты расейцаў былі настолькі вялізнымі, што пра гэта напісалі нават расейскія СМІ.

Пра гэта напісаў Telegram-канал "Дасье шпіёна", а таксама апублікаваў спіс з 73 "двухсотых" акупантаў у 144 АМСБР за перыяд з канца жніўня па сярэдзіну лістапада. Ён, сярод іншых звестак, змяшчае інфармацыю аб абставінах смерці вайсковых брыгады.

Як піша канал, асноўнымі прычынамі гібелі захопнікаў сталі ракетныя, артылерыйскія і мінамётныя абстрэлы. Таксама адзначаецца інтэнсіфікацыя прымянення ўкраінскімі вайскоўцамі FPV-дронаў і дронаў са «скідамі».

Акрамя таго, нярэдкія выпадкі суіцыду і "гібелі ад рукі таварышаў", адзначае "Дасье шпіёна".

«Становішча вакол брыгады па-ранейшаму застаецца вельмі цяжкай. Крыніца адзначае, што спісы 300-х прыблізна ў 8-9 разоў больш за 200», – гаворыцца ў паведамленні.

Мяркуючы па спісе "двухсотых" 144 амсбр, асноўная частка загінуўшых - салдаты, аднак ёсць сярод страт і некалькі афіцэраў.