Ад Магілёва да Ахоцкага мора: на Беларусь насоўваецца «антыцыклон-звяруга»

Калі чакаць узмацнення маразоў?

На Беларусь насоўваецца магутны антыцыклон, які сфармаваўся ў арктычнай паветранай масе. Згодна з прагнозамі сіноптыкаў, ён цалкам можа развіцца да самай буйной барычнага ўтварэння на планеце.

Журналісты telegraf.news даведаліся, калі «антыцыклон-звяруга», з-за якога сярэднедзённая тэмпература паветра апускаецца ніжэй за норму на 15-20°С, дабярэцца да Беларусі.

Са звестак аўтараў тэлеграм-канала "Надвор'е", ціск у цэнтры антыцыклону "В" прагназуецца на ўзроўні 1064 гПа пры норме 1013 гПа.

“Звяруга, а не антыцыклон. Яго цыркуляцыяй будзе ахопленая большая палова нашага мацерыка. (…) Калі ўзяць ізабару на 1018 гПа, то яго працягласць складзе блізу 9000 км ад усходу Магілёўскай вобласці да ўзбярэжжа Ахоцкага мора!”, - распавялі спецыялісты.

Паводле прагнозаў сіноптыкаў, на халаднейшай, усходняй палове антыцыклону тэмпература паветра будзе як мінімум -35..-40°С, што прыкладна на 20 градусаў халадней, чым звычайна ў гэты час года ў гэтых месцах.

Развівацца гэта "найбуйнейшая адмоўная анамалія на планеце" пачне ўжо ў другой палове тыдня, папярэдзілі сіноптыкі. Аднак, у Беларусі зусім ужо "сібірскіх" маразоў не прагназуецца.

“З вечара серады пачнецца, чакайце. Над поўначчу РФ адужэе антыцыклон і зменіць цыркуляцыю ў нашым рэгіёне. З паўднёвага ўсходу - усходу пачне задзімаць сухі халодны вецер і тэмпература на большай частцы Беларусі апусціцца ніжэй за 10°С марозу», - распавялі ў тэматычным тэлеграм-канале.

Заходнія раёны Берасцейскай вобласці пакуль будуць выключэннем праз "зону цёплага фронту", але неўзабаве пахаладанне дабярэцца і туды, папярэдзілі сіноптыкі.

Самыя халодныя ночы, паводле прагнозаў спецыялістаў, будуць 9 і 10 снежня: лічбавая мадэль прагнозу надвор'я СМС выдала на гэтыя ночы маразы да 12-14°С, па ўсходзе - да -18°С.

“У пятніцу ўдзень магчымы сняжок і будзе крыху цяплей, а днём нядзелі, 10 снежня, да нас паспрабуе прарвацца цяпло з Атлантыкі з дажджом і галалёдамі. Але пакуль гэта не дакладна”, - распавялі аўтары тэлеграм-канала.

У Белгідрамеце таксама паведамілі аб набліжэнні "шырокага халоднага антыцыклону". У найбліжэйшыя два дні, 7-8 снежня, Беларусь будзе знаходзіцца на яго перыферыі, тады як цэнтр будзе заставацца над паўночным усходам Еўрапейскай тэрыторыі Расеі.

Моцных ападкаў у гэты час беларускія сіноптыкі не прагназавалі - толькі месцамі ў заходніх раёнах невялікі кароткачасовы снег. А вось галалёдзіца і парывісты вецер могуць даставіць беларусам непрыемнасці гэтымі днямі.

Тэмпература паветра, паводле звестак Белгідрамета, уночы будзе апускацца да -7..-13°С (пры праясненнях -14..-16°С), максімальная ўдзень - у дыяпазоне -2..-9°С.