У Драздах знялі прыгожую прыродную з'яву

Фотафакт.

Блогер Какабай падзяліўся ў інстаграме відэа, знятым на вадасховішчы Дразды.

Знятая з'ява называецца шорашам, і яна нагадвае, як піша блогер, «ружы з сала».

Шораш – гэта, як фармулюе Какабай, «друзлыя скопішчы цвёрдай фазы агрэгатнага стану рэчыва, якое ў нармальных умовах вадкага стану. У залежнасці ад колькасці лёду шораш захоўвае здольнасць цячы як вадкасць ці страчвае гэтую здольнасць праз узнікненне затораў!»

Слоўнікавае тлумачэнне гэтага феномена:

«Дробны крохкі лёд у выглядзе кашападобнай масы, які ідзе перад ледаставам ці падчас вясновага крыгаходу».

«Мелкий хрупкий лед в виде кошевидной массы, идущий перед ледоставом или во время весеннего ледохода».