Беларусь будзе пастаўляць расейскім акупантам цяжкія беспілотнікі?

І, магчыма, боепрыпасы.

На адным з расейскіх мілітарысцкіх рэсурсаў з'явілася навіна аб зацікаўленасці ў набыцці беларускага цяжкага БПЛА «Буравеснік-МК». Беспілотнік здольны выконваць як ударныя, так і выведвальныя задачы.

«Ёсць усе падставы меркаваць, што неўзабаве мы зможам убачыць, як беларускі «Буравеснік» робіць свой унёсак у перамогу», - кажуць Z-прапагандысты.

Аўтары мяркуюць, што Беларусь можа «з лёгкасцю нарасціць вытворчасць і забяспечыць боепрыпасамі БПЛА» расейскіх акупантаў ва Украіне.