На запаветным возеры пад Барысавам з-пад лёду выцягнулі шчупака вагой амаль восем кілаграмаў

Рыбак раскрыў таямніцу, на што лавіў «монстра».

Беларусы ўжо выхваляюцца зайздроснымі трафеямі з зімовай рыбалкі. Так, у Бярэзінскім запаведніку рыбак злавіў шчупака пад восем кіло — фота ўлову з'явілася ў Instagram-групе «Рыбалка ў Беларусі».

Здаравеннага шчупака вылавілі на возеры Палік у Барысаўскім раёне. Са слоў рыбака, ён важыць 7,7 кг. Злавілі рыбіну на жарліцу на глыбіні 2 м, жывец - карась.

У каментарах нагадалі, што рыбалка на гэтым возеры платная: яно знаходзіцца на тэрыторыі Бярэзінскага біясфернага запаведніка.