Правілы пераносу адзнакі аб тэхаглядзе змяніліся ў Беларусі

“Белтэхагляд” увёў новую практыку.

Адзнаку аб тэхаглядзе пры змене ўласніка аўто будуць пераносіць згодна з новымі правіламі ў Беларусі. Як піша av.by, такая магчымасць з'явілася ў беларусаў з 2018 года: можна было пераносіць адзнаку аб ТА ў тым выпадку, калі тэрмін дзеяння дазволу на допуск да ўдзелу ў дарожным руху не мінуў. Паслуга гэта каштавала 12 рублёў 90 капеек.

Аднак сітуацыя змянілася, як растлумачылі ў “Белтэхаглядзе”, звязана гэта з пастановай урада ад 20.11.2023 № 791, дзе быў зменены пункт 25, які тычыцца гэтай практыкі.

Цяпер перанос адзнакі зробяць пры выпадку змены нумароў з-за страты старых рэгістрацыйных знакаў, змены прозвішча, адраса рэгістрацыі. У той жа час пры змене ўласніка адзнака пакуль не пераносіцца, паколькі ў новай рэдакцыі пастановы дакладнай фармулёўкі аб гэтым пытанні няма.

Цяпер адпаведныя службы праводзяць работу ў інтэграцыі баз даных і аўтаматызаванай інфармацыйнай сістэмы. Разам з тым “Белтэхагляд" з 6 снежня 2023 года ўвёў новую практыку пераносу адзнакі аб праходжанні ТА.

Для гэтага неабходна напісаць заяву, зрабіць плату за ўнясенне змененай інфармацыі ў раней выдадзены дазвол, пасля чаго адпаведныя звесткі будуць перададзены ў ДАІ. Каштуе паслуга тыя ж 12 рублёў 90 капеек.