Самалёт «Расеі» змушана сеў пасля сігналу аб няспраўнасці

Самалёт ляцеў з Мінеральных Водаў у Санкт-Пецярбург.

Самалёт авіякампаніі «Расея», які ляцеў з Мінеральных Водаў у Санкт-Пецярбург, вярнуўся ў аэрапорт вылету праз спрацаванне датчыка ціску, паведамілі РБК у прэс-службе кампаніі.

«Падчас выканання палёту па маршруце Мінеральныя Воды – Санкт-Пецярбург на самалёце Airbus адбылося кароткачасовае спрацоўванне датчыка ціску. Памылка знікла адразу пасля зніжэння самалёта», – гаворыцца ў паведамленні.

Пасля спрацоўвання датчыка камандзір паветранага карабля прыняў пастанову пра вяртанне ў аэрапорт вылету. Самалёт прызямліўся ў Мінеральных Водах у 19:13 паводле Менска, удакладнілі ў авіякампаніі.

У прэс-службе дадалі, што цяпер самалёт аглядаюць спецыялісты тэхнічных службаў.

Airbus A319 выконваў рэгулярны рэйс SU6358 з Мінеральных Водаў у Санкт-Пецярбург. Паводле звестак анлайн-табло аэрапорта Мінводаў, самалёт павінен быў прызямліцца ў пецярбургскім Пулкава ў 21:15 паводле Менска.

У лістападзе самалёт Boeing-737, які ляцеў з Сочы, здзейсніў аварыйную пасадку ў Чэлябінску пасля скіду паліва праз няспраўнасць з выпускам закрылак. На ягоным борце знаходзілася 189 чалавек, у тым ліку дзевяць дзяцей і сем чальцоў экіпажу, пасадка прайшла паспяхова.