Баі за Аўдзееўку: Расейцы загразлі ў «адстойніках»
- 9.12.2023, 12:08
- 10,208
![Баі за Аўдзееўку: Расейцы загразлі ў «адстойніках»](https://i.c97.org/ai/572966/aux-head-1700897522-20231125_kaiser_360.jpg)
Сімвалічна.
Расейскія акупанты 8 снежня вялі наступальныя аперацыі паблізу Аўдзееўкі і захапілі ачышчальныя збудаванні горада. Пра гэта гаворыцца ў свежай справаздачы Інстытута вывучэння вайны (ISW).
Аналітыкі ISW адзначаюць, што геалакацыйныя кадры, апублікаваныя 8 снежня, паказваюць, што расейскія войскі прасунуліся да ачышчальных збудаванняў на поўдзень ад Краснагораўкі (5 км на паўночны захад ад Аўдзееўкі).
Таксама ISW паведамляе са спасылкай на расейскія крыніцы, што 7 і 8 снежня расейскія войскі прасунуліся ў кірунку Новакалінава (13 км на паўночны ўсход ад Аўдзееўкі), да наваколляў Аўдзееўскага коксахімічнага завода на паўночны захад ад Аўдзееўкі і ў прамысловай зоне на поўдзень ад горада.
Расейскія вайсковыя блогеры заявілі 8 снежня, што расейскія войскі ўмацоўваюць пазіцыі ў Стэпавым і зачышчаюць населены пункт. Іншы расейскі вайсковы блогер сцвярджаў, што акупанты ўтрымліваюць пазіцыі на ўсходняй ускраіне Стэпавага.
![](https://i.c97.org/ai/574779/aux-1702112697-1.jpg)
Генштаб Украіны паведаміў, што расейскія войскі беспаспяхова атакавалі на ўсход ад Новабахмутаўкі (9 км на паўночны захад ад Аўдзееўкі); на поўдзень ад Тоненькага (5 км на захад ад Аўдзееўкі); паблізу Стэпавага, Аўдзееўкі і Первамайскага (10 км на паўднёвы захад ад Аўдзееўкі).
Расейская крыніца сцвярджае, што складаныя ўмовы надвор'я запаволілі тэмпы расейскіх і ўкраінскіх аперацый пад Аўдзееўкай.
Спікер Сілаў абароны Таўрыцкага кірунку Аляксандр Штупун заявіў, што на Аўдзееўскім кірунку ваююць больш як 40 тыс. расейскіх войскаў. Пры гэтым перадыслакуюць рэзервы падраздзяленняў «Шторм-Z» і мабілізаваны асабовы склад, якому не стае падрыхтоўкі і харчавання.
![](https://i.c97.org/ai/574779/aux-1702112697-2.jpg)