«Ковід нікуды не сышоў»

У лякарні Менска паступаюць пацыенты з цяжкімі формамі каранавіруса.

У сталічныя лякарні сёння паступаюць пацыенты з каранавірусам, у тым ліку з цяжкай плынню хваробы. Пра гэта паведаміў 7 лютага намеснік галоўнага лекара ў медыцынскай частцы Гарадской клінічнай інфекцыйнай бальніцы, галоўны інфекцыяніст Менска Святаслаў Вельгін падчас жывой лініі ў кантакт-цэнтры Менгарвыканкама, паведамляюць «Минск-Новости».

«Гэта значыць, ковід нікуды не сышоў - вірус працягвае актыўна цыркуляваць сярод нас. Вядома, не ў тых маштабах, як на піку хваляў пандэміі, але тым не менш. Таму вакцынацыя, як першасная, так і бустэрная, па-ранейшаму актуальная», - сказаў Вельгін.

Галоўны інфекцыяніст сталіцы дадаў, што да канца 2023 года плануюць прышчапіць ад ковід-інфекцыі не менш як 70 адсоткаў жыхароў нашага горада, з іх 90 адсоткаў - рэвакцынаваць (прышчапіць паўторна).

Нагадаем, цяпер у Беларусі пераважае вірус грыпу Н1N1 (яго таксама называюць свіным грыпам), у той час як у Заходняй Еўропе — Н3N2 (вірус А). Якое захворванне на каранавірус - невядома, апошнія звесткі агучваліся 1 ліпеня 2022 года.