Расейскія войскі страцілі баяздольнасць пад Вуглядарам

УСУ разбілі штурмавыя калоны РФ на маршы.

Расейскія войскі, якія сканцэнтраваліся для ўзяцця Вуглядара ў Данецкай вобласці, страцілі баяздольнасць, перакананы ваенны экспэрт Аляксандр Каваленка.

Расейскае войска працягвае беспаспяховыя спробы штурмаваць Вуглядар, які знаходзіцца пад поўным кантролем УСУ. Пасля цяжкіх страт апошніх дзён акупанты ўжо менш ірвуцца наперад. За штурм горада адказваюць падраздзяленні 42-й МСД 58-й АВА, 40-й і 155-й МП ТАФ і 136-й МСБр з рэзервам батальёнаў 37-й, 36-й МСБр, а таксама найміты міністэрскай ПВК «Патрыёт».

Акупанты штодня спрабуюць прарваць барану ўкраінскіх абаронцаў, але іх дзеянні носяць суіцыдальны характар. Страты ворага на гэтым кірунку зашкальваюць, баяздольнасць падае з кожным днём.

«З ПВК «Патрыёт» планавалі зрабіць зорку захопу Вуглядара, каб выцерці нос Прыгожыну... Увогуле, атрымалася ўсё праз адно месца, паколькі тактыка РАУ не змянілася з лістападаўскага суіцыднага рыўка на Вуглядар», - піша Каваленка ў Тelegram.

Супраціўнік працягвае атакі невялікімі групамі пяхоты, якія прыкрываюцца артылерыйскім і танкавым агнём з закрытых пазіцый, аднак беспаспяхова - УС РФ не наважаюцца праводзіць буйнамаштабныя атакі.

Папярэднія маршы калон тэхнікі скончыліся няўдачай: расейскія БМП-1/2 і МТ-ЛБ з жывой сілай былі разбітыя, нават не даехаўшы да лініі судакранання.

«Практычна ўсе падраздзяленні, якія бралі ўдзел у цяперашняй спробе захапіць Вуглядар, страцілі сваю баяздольнасць і маюць патрэбу ў вывадзе для аднаўлення ў тыле», - падкрэслівае Каваленка.

Экспэрт мяркуе, што расейцы могуць зрабіць трэцюю спробу штурму горада толькі пры папаўненні групоўкі свежым «гарматным мясам».