Амбасада Беларусі: У Турцыі загінуў муж беларускі і адное ейнае дзіця

Яе самую і другое дзіця шукаюць.

Малалетняе дзіця грамадзянкі Беларусі і ейнага мужа знайшлі загінулымі ў Турцыі. Аб гэтым БелТА паведамілі ў пасольстве Беларусі ў Турцыі.

«Паводле ўдакладненай інфармацыі з месца пошукавых работ у Кахраманмарашы, з-пад руін дасталі целы ейнага мужа (грамадзяніна Турцыі) і аднаго малалетняга дзіцяці. Абодва загінулі. Пошукі грамадзянкі Беларусі і яе другога малалетняга дзіцяці працягваюцца», - праінфармавалі ў дыпмісіі.

Напярэдадні тэлеканал «Белсат» са спасылкай на знаёмую загінулай жанчыны паведаміў.

8 лютага ў беларускім пасольстве ў Анкары расказалі, што пасля стыхійнага бедства не могуць знайсці чатырох беларусаў — адну жанчыну і траіх дзяцей. Сярод іх — грамадзянка Беларусі і двое яе дзяцей, якія жылі якраз у горадзе Кахраманмараш.

Землятрус магнітудай 7,7 з эпіцэнтрам на глыбіні 7 км адбыўся а 4.17 раніцы 6 лютага ў правінцыі Кахраманмараш на поўдні Турцыі. Наступствы закранулі шмат рэгіёнаў Турцыі і суседняй Сірыі. Штуршкі працягваліся на працягу ўсяго дня. Паводле апошніх звестак, загінулі больш за 11 тысяч чалавек.