Беларусам з вышэйшай адукацыяй прапануюць працаваць за мінімалку
7- 9.02.2023, 14:45
- 11,754
Спіс вакансій.
Журналісты газеты «Ганцевичский час» знайшлі вакансіі ў Берасцейскай вобласці, дзе працадаўцы прапануюць спецыялістам з вышэйшай адукацыяй мінімальны заробак, устаноўлены ў краіне.
Юрысконсульты, лекары, педагогі, інжынеры - запатрабаваныя спецыялісты. Пра гэта кажа колькасць вакансій на сайце дзяржаўнай службы занятасці, дзе прапаноў ад наймальнікаў не так ужо і мала - там размешчаныя 103 аб'явы. Прычым самая позняя апублікаваная больш за месяц таму - 28 снежня мінулага года.
Дзіўнае іншае - спецыялістам Берасцейскай вобласці з дыпломамі аб вышэйшай адукацыі працадаўцы прапануюць мінімальны заробак, зацверджаны па краіне - сёння гэта 554 рублі.
Наймальнікі, прапаноўваючы невысокі заробак, у асноўным не выстаўляюць асаблівых патрабаванняў да спецыялістаў. Толькі ў некаторых выпадках патрэбныя спецыяльныя навыкі, неабходныя ў рабоце канкрэтнага спецыяліста (напрыклад, лекар неанатолаг, або лекар-эпідэміёлаг, або веданне цепла-, водазабеспячэння, сістэм вентыляцыі і кандыцыянавання і іншае).
У Берасцейскім абласным банку вакансій знайшлі свежыя прапановы ад наймальнікаў, якія з'явіліся ў пачатку гэтага тыдня - іх 22.