Акупанты ўзмацнілі атакі ля Крамянной
3- 9.02.2023, 16:46
- 6,364
Спрабуюць прарваць абарону УСУ.
Расейскія захопнікі з усіх сіл спрабуюць прарваць абарону ўкраінскіх абаронцаў у Луганскай вобласці. Каля Крамянной акупанты павялічылі інтэнсіўнасць абстрэлаў пазіцый УСУ. Пра гэта паведаміў кіраўнік Луганскай АВА Сяргей Гайдай.
«Істотна павялічылася колькасць нападаў і абстрэлаў у апошні час. Менавіта на Крамянскім кірунку яны спрабуюць развіваць поспех, праціскаць абарону нашых абаронцаў. Але на сёння яны тамака істотнага поспеху не маюць. Сілы абароны ўтрымліваюць свае пазіцыі», - сказаў Сяргей Гайдай.
Кіраўнік АВА адзначыў, што расейцы і далей працягваюць знішчаць сяло за сялом у Луганскай вобласці.
Раней паведамлялася, што Расея падрыхтавала для маштабнага наступу 1800 танкаў, 3950 бронемашын, 2700 артылерыйскіх сістэм, 810 РСЗА савецкіх часоў, такіх як «Град» і «Смерч», 400 знішчальнікаў і 300 верталётаў. Аб гэтым піша выданне Foreign Policy.
Украінскія ўлады заяўляюць, што на гэты момант няма пагрозы паўтарэння шырокамаштабнага расейскага наступу, аднак такія рызыкі існуюць на Усходнім і Паўднёвым накірунках.