Даходы Расеі ад продажу нафты і газу ўпадуць у 2023 годзе не менш як на 25%
2- 9.02.2023, 21:38
- 3,614
Пра гэта паведаміў Украінскі інстытут будучыні.
У 2023 годзе Расея страціць частку даходу ад продажу нафты і газу ў сувязі з уведзенымі абмежаваннямі на цану сыравіны і санкцыі. Пра гэта гаворыцца ў аналітычнай справаздачы Украінскага інстытута будучыні (УІБ), апублікаванай 8 лютага.
Паводле ацэнак УІБ, гаворка ідзе пра мінімум 25%.
Аналітыкі адзначаюць, што на паказчыкі здабычы і экспарту нафты ў РФ санкцыі паўплываюць сярэдне, але больш істотна гэта адаб'ецца на даходах праз увядзенне граніцы цаны.
"Паводле нашых ацэнак (базавыя сцэнары прагнозаў цэн і дысконтаў), агульнае падзенне даходаў ад экспарту нафты РФ можа скласці 25-46% у параўнанні з 2021 годам, калі РФ не звернецца да маніпуляцый і шантажу на рынку ў адказ на эмбарга", – мяркуюць ва УІБ.
Экспарт нафтапрадуктаў з РФ можа скараціцца на 20-35%, мяркуюць ва Украінскім інстытуце будучыні.
«Скараціўшы аб'ёмы нафтаперапрацоўкі, Расея будзе спрабаваць адправіць гэтую нафту на экспарт, але будзе прадаваць яе са зніжкай: «прыязныя» краіны хоць і не падтрымалі санкцыі, але патрабуюць збавак, карыстаючыся акрутным становішчам РФ. Пры гэтым значна большыя адлегласці да Кітая і Індыі ў параўнанні з краінамі ЕЗ азначаюць больш высокія транспартныя выдаткі, а значыць, неабходнасць зніжаць цану нафты, каб канкураваць. Ключавымі рынкамі для РФ будуць Індыя і Кітай, якія будуць перапрацоўваць расейскую нафту і экспартаваць нафтапрадукты, паасобку і ў тыя рэгіёны, якія даўней былі расейскім рынкам», - растлумачылі ва УІБ.