У Маскве знік памочнік Міхаіла Мясніковіча
24- 13.03.2023, 16:10
- 24,516
Яго не могуць знайсці ўжо тры дні.
У Маскве знік памочнік старшыні калегіі «Еўразійскай эканамічнай камісіі» (ЕЭК) Міхаіла Мясніковіча Дзмітрый Шадко. Мужчыну не могуць знайсці ўжо тры дні, піша тэлеграм-канал Baza.
Дзмітрый Шадко - грамадзянін Беларусі. Апошнім часам ён працаваў у Маскве і жыў на Серпухаўскім вале. Апошні раз Шадко бачылі 9 сакавіка, а ўжо на наступны дзень ён знік. Супрацоўнік ЕЭК не прыйшоў на важную нараду, а яго тэлефон быў выключаны.
Знаёмыя Шадко ўзгадалі, што апошнім часам мужчына часта скардзіўся на спіну: маўляў, так баліць, што нават не ўстаць, таму выказалі здагадку, што Дзмітрый можа проста ляжаць дома. Кватэру, дзе ён пражываў, знайшлі, аднак там нікога не было. Памяшканне агледзелі паліцыянты, але нічога крымінальнага не знайшлі. Вышукам Шадко займаецца МУС Масквы, куды паступіла заяву аб ягоным знікненні.
Раней Дзмітрый Шадко займаў пасаду першага намесніка міністра сувязі і інфарматызацыі Беларусі. У 2019 годзе ён падаў у адстаўку.