Мэрам Вільні абраны кансерватар Валдас Бэнкунскас
5- 20.03.2023, 10:12
- 8,496
На выбарах мэра Віленскага раёна - сенсацыя.
Мэрам Віленскага раёна сенсацыйна абраны 32-гадовы Роберт Духневіч, вылучаны Сацыял-дэмакратычнай партыяй Літвы. За яго было пададзена 50,2% галасоў, паведамляе lrt.lt.
Мэрам Вільні абраны кансерватар Валдас Бэнкунскас.
Ягоны апанент Артурас Зуокас, кандыдат ад партыі "Свабода і справядлівасць", прызнаў паразу ў другім туры.
Са звестак Галоўнай выбарчай камісіі, Бенкускас набраў 52,73% галасоў выбарцаў, а былы мэр сталіцы Зуокас - 47,27%.
Бэнкунскас, які прыбыў у штаб у нядзелю ўвечары, сказаў, што будзе імкнуцца да таго, каб Вільня стала выключным горадам у Еўропе.
«Мы зробім так, каб найбліжэйшыя чатыры гады Вільня стала ўнікальнай не толькі ў кантэксце Літвы, але і ў Еўропе», - заявіў Бенкунскас журналістам у штабе ў нядзелю ўвечары.
Зуакас прызнаў сваю паразу на выбарах. Палітык ужо быў мэрам Вільні. Ён кіраваў сталіцай у 2000-2007 і 2011-2015 гадах.
Па выніках муніцыпальных выбараў, якія закончыліся ў нядзелю, больш за ўсё пасад мэраў атрымала Сацыял-дэмакратычная партыя Літвы (СДПЛ), на другім месцы - розныя палітычныя камітэты, на трэцім - Рух лібералаў, а Саюз айчыны - Літоўскія хрысціянскія дэмакраты паказаў напалову горшыя вынікі.