23 лiпеня 2024, aўторак, 17:26
Падтрымайце
сайт
Сім сім,
Хартыя 97!
Рубрыкі

УСУ восем разоў разбілі элітную брыгаду РФ

2
УСУ восем разоў разбілі элітную брыгаду РФ

Расейскія марскія пяхотнікі кожны раз траплялі ў адну і тую ж пастку.

Нягледзячы на значныя страты ў жывой сіле і тэхніцы, у тым ліку сярод элітных падраздзяленняў РФ, акупанты не пакідаюць спроб захапіць горад Вугядар Данецкай вобласці.

Пра гэта паведамляе Інстытут вывучэння вайны (ISW).

«Цяперашняя расейская тактыка, якая ўключае пачатковы лабавы штурм з наступнымі атакамі на ўмацаваныя ўкраінскія флангі, прыводзіць да вялікіх страт. Але не дае поспеху праз складаны рэльеф мясцовасці, адсутнасць баявой магутнасці і няздольнасці напасці знянацку», - адзначаюць аналітыкі.

У справаздачы ISW прывялі звесткі, паводле якіх, 155-я брыгада марской пяхоты РФ, што ўважалася за «элітную», з пачатку ўварвання была знішчаная і адноўленая цэлых 8 разоў.

Нагадаем, у лютым украінскія вайскоўцы пад Вугядарам разбілі ўшчэнт элітную брыгаду марской пяхоты РФ.

Тады аналітыкі паказвалі, што правал пад Вугядарам аслабіў веру расейцаў у здольнасць пачаць новы маштабны наступ.

Напісаць каментар 2

Таксама сачыце за акаўнтамі Charter97.org у сацыяльных сетках