Пуцін: Расія размесціць у Беларусі ядзерную зброю

Ідзе будаўніцтва сховішчаў.

Пуцін заявіў, што РФ размесціць у Беларусі тактычную ядзерную зброю.

«Мы ўжо дапамаглі беларусам пераабсталяваць самалёты, 10 тыпаў самалётаў гатовыя для выкарыстання тактычнай зброі, перадалі "Іскандэр", з 3 красавіка пачынаем навучанне экіпажаў, пачынаем будаўніцтва сховішча для ядзернай зброі», — сказаў кіраўнік Крамля.

«1 ліпеня заканчваем будаўніцтва сховішча для тактычнай ядзернай зброі ў Беларусі», — сказаў Пуцін.

«Мы не перадаем Беларусі нашу тактычную ядзерную зброю, але размесцім яе і навучым вайскоўцаў, як ЗША ў Еўропе», — заявіў ён.