У шэрагу населеных пунктаў Менскай вобласці парушанае электразабеспячэнне

Названы найбольш пацярпелыя раёны.

Непагадзь парушыла электразабеспячэнне ў 124 населеных пунктах, у асноўным у Менскай вобласці.

Ад моцнага ветру і снегападу найбольш пацярпелі Барысаўскі, Лагойскі, Слуцкі і Чэрвеньскі раёны.

Аднаўленчыя работы працягваюцца ў 69 населеных пунктах. Задзейнічана больш за 20 адзінак тэхнікі.

Няўстойлівае надвор'е ў Менскай вобласці захаваецца да канца дня.

Як пісаў сайт Charter97.org, сёння Менск засыпала снегам.