У Расеі пры загадкавых абставінах памерлі трое курсантаў вайсковай акадэміі

Ва ўсіх траіх былі прыкметы эпілептычнага прыступу.

У расейскай ваеннай акадэміі сувязі імя Будзёнага ў горадзе Серталаве памерлі трое курсантаў, якія за дзень да таго знаходзіліся ў звальненні.

Пра гэта паведамляюць росСМІ 28 сакавіка.

Паведамляецца, што трое курсантаў напярэдадні мелі вызваленне ад вайсковай акадэміі, аднак ужо вечарам расейцы вярнуліся на шыхтаванне і пайшлі спаць разам з саслужыўцамі.

А 7 гадзіне раніцы 27 сакавіка ім стала дрэнна ў казарме. У курсантаў пайшла пена з рота і пачаліся прыкметы эпілептычнага прыступу.

Усе трое вайскоўцаў памерлі да прыбыцця медыкаў. На іх целах не знайшлі цялесных пашкоджанняў.

Прозвішчы памерлых не выдаюць. Адзначаюць толькі, што гэта былі вайскоўцы-кантрактнікі Міхаіл Д., Азамат Г. і Кантэмір М.. Адзін з іх быў ураджэнцам Уладзівастока, яшчэ адзін - Нальчыка. Ім было па 19 год.

Следства высвятляе прычыны здарэння і перадумовы смерці курсантаў.