Пуціну паведамілі аб немагчымасці пабудаваць ледакол «Расія»

Праз тое, што Шайгу разбамбіў завод ва Украіне.

Тэрміны здачы ледакола «Расія», намечаныя на снежань 2027 года, сарваныя, піша «The Moscow Times» са спасылкай на пратакол нарады ў Мінпрамгандлі. Аб неабходнасці пераносу тэрмінаў ужо паведамілі прэзідэнту РФ Уладзіміру Пуціну.

Меркавалася, што буйныя карпусныя дэталі для ледакола - кранштэйны вяслярных валоў, лядовы зуб, кранштэйны пяра стырна - паставіць завод «Энэргамашспецсталь», які размешчаны ва ўкраінскім горадзе Краматорску.

Аднак завод з дэталямі для ледакола разбамбіў міністр абароны РФ Сяргей Шайгу. Мінабароны РФ у траўні 2022 года заявіла, што знішчаны завод «Энэргамашспецсталь» у Краматорску (пад Данецкам).

«Высокадакладнымі ракетамі паветранага базавання ВКС Расеі знішчаны буйны склад боепрыпасаў украінскай групоўкі войскаў, размешчаны на тэрыторыі завода», - сказаў прадстаўнік Мінабароны РФ Ігар Канашэнкаў.

Першапачатковая цана праекта складала 127,5 млрд руб, але цяпер кошт будаўніцтва звышмагутнага галаўнога атамнага ледакола «Расія» можа вырасці на 40-60%. На сярэдзіну сакавіка замест 15 адсоткаў ад агульнага аб'ёму планавых работ выканана толькі 5 адсоткаў.