15 лiпеня 2024, панядзелак, 20:51
Падтрымайце
сайт
Сім сім,
Хартыя 97!
Рубрыкі

У сераду ў Беларусі чакаецца снегапад

2
У сераду ў Беларусі чакаецца снегапад

Абвешчаны аранжавы ўзровень небяспекі.

Аранжавы ўзровень небяспекі праз моцны снегапад захаваецца ў Беларусі 29 сакавіка, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У сераду будзе пахмурна, на захадзе з прасвятленнямі. На большай частцы тэрыторыі прагназуюцца ападкі (снег, мокры снег, уночы ва ўсходніх раёнах з дажджом). Уначы ва ўсходняй палове ў многіх раёнах, удзень месцамі будуць моцныя ападкі. У асобных раёнах мяцеліца, уначы на ўсходзе слабы галалёд, наліпанне мокрага снегу. На асобных адцінках дарог галалёдзіца. Вецер паўночна-заходні 5-10 м/с, на большай частцы тэрыторыі парывы да 15-20 м/с. У сувязі з гэтым Белгідрамет абвясціў аранжавы ўзровень небяспекі.

Тэмпература паветра ўначы складзе мінус 4 - плюс 1 градус. Удзень чакаецца мінус 1 - плюс 4 градусы, а на захадзе - да плюс 6 градусаў.

Напісаць каментар 2

Таксама сачыце за акаўнтамі Charter97.org у сацыяльных сетках