19 лiпеня 2024, Пятніца, 18:14
Падтрымайце
сайт
Сім сім,
Хартыя 97!
Рубрыкі

У Салігорскім раёне рабаўнік сышоў ад пагоні на конным возе

14
У Салігорскім раёне рабаўнік сышоў ад пагоні на конным возе
ІЛЮСТРАЦЫЙНАЕ ФОТА

Салігарчанін ліха абрабаваў прадпрыемства, на якім працуе.

У Салігорскім раёне рабаўнік схаваўся ад вартаўніка на конным возе. Падрабязнасці паведамілі ва УУС Менаблвыканкама.

Надзвычайнае здарэнне адбылося на адным з сельгаспрадпрыемстваў Салігорскага раёна. Мясцовы скотнік прыйшоў на працу з мэтай рабавання. Аднак мужчына заявіўся на ферму не ў сваю змену: увечары, а не раніцай, што адразу стала падазроным для мясцовага вартаўніка.

Потым, імітуючы кармленне жывёлы, рабаўнік загрузіў на калёсы, запрэжаныя канём, шэсць мяшкоў камбікорму. І таксама на коннай запрэжцы схаваўся ад вартаўніка, які паспрабаваў яго спыніць.

Пра крадзеж вартаўнік паведаміў праваахоўнікам, і злодзея затрымалі.

– Больш за 200 кілаграмаў корму для жывёлы вярнулі законнаму ўласніку, – пракаментавалі ва УУС.

А ў дачыненні да хвацкага рабаўніка распачалі крымінальную справу паводле абвінавачання ў рабаванні.

Удакладняецца, што і конь, і воз, на якім учынілі злачынства, таксама належаць прадпрыемству.

Напісаць каментар 14

Таксама сачыце за акаўнтамі Charter97.org у сацыяльных сетках