УСУ зладзілі акупантам пастку на Кінбурнскай касе

Украінскае войска перарэзала важную для войскаў РФ «артэрыю».

Праца Узброеных сілаў Украіны па Кінбурнскай касе на поўдні прадуктыўная, сярод іншага, вораг ужо адчувае там «снарадны голад» і памяншае колькасць абстрэлаў адтуль.

Пра гэта кіраўніца Аб'яднанага каардынацыйнага прэс-цэнтра Сілаў абароны поўдня Наталля Гумянюк паведаміла ў эфіры інфармацыйнага тэлемарафону.

«Наша прадуктыўная праца па Кінбурнскай касе мае добрыя вынікі, напрыклад, за мінулы дзень ніводнага абстрэлу нават у акваторыі Днепрабужскага лімана не было. Гэта сведчыць, што ў ворага сапраўды істотны голад боепрыпасаў на тым адрэзку мясцовасці, ім цяжка туды падвозіць рэзервы нават ужо таму, што мы стараемся браць пад кантроль не толькі часткі самага паўвострава, але і злучэнне з мацерыком, там, дзе вораг выкарыстоўвае гэтыя маршруты для падвозу боепрыпасаў і ўзбраення», – сказала Гумянюк.

Паводле ейных словаў, адпрацаваная УСУ заходняя частка Кінбурнскай касы ўжо даволі пустэльная, але бліжэй да мацерыка яны яшчэ хаваюцца за мясцовым насельніцтвам. Пры гэтым праца ўкраінскіх вайскоўцаў на тым адрэзку прадаўжаецца.