Гіркін прадказаў «скачок» на фронце, які стане крахам для РФ

Доўга чакаць не давядзецца.

Расейскае войска стаіць на парозе разгрому ў вайне супраць Украіны. Неўзабаве акупанты «пасыплюцца». На гэтым намякнуў 1 красавіка дыверсант ФСБ РФ, асуджаны ваенны злачынец Ігар Гіркін (Стралкоў), паведамляе dialog.ua.

Ён адзначыў, што практычна перастаў каментаваць сітуацыю на франтах, бо там цяпер назіраецца нейкая стабілізацыя сітуацыі, але ў негатыўным для УС РФ трэндзе.

«Сітуацыя на фронце і ў тыле аб'ектыўна не змяняецца, яна стабільна і прадказальна пагаршаецца. Таму цярпліва чакаю, калі чарговы "якасны скачок" зменіць цяперашнюю… стагнацыю. Паводле маёй інфармацыі і з адчуванняў, доўга чакаць не давядзецца», – напісаў Стралкоў.

Відавочна, непакоіцца расейскі дыверсант праз будучы ўкраінскі контрнаступ. Апошнія месяцы Кіеў пры дапамозе хаўруснікаў назапашваў тэхніку і боепрыпасы, і фармаваў вялікі «браняваны кулак» для прарыву расейскага фронту.

Ёсць вялікая верагоднасць, што расейская абарона не выстаіць. Чакаецца, што вялікае контрнаступ УСУ пачнецца ўжо ў красавіку – траўні.