20 лiпеня 2024, Субота, 16:29
Падтрымайце
сайт
Сім сім,
Хартыя 97!
Рубрыкі

У Расеі зноў шугануў магутны пажар

7
У Расеі зноў шугануў магутны пажар

Гарэла за 80 кіламэтраў ад мяжы з Украінай.

У Расейскай Федэрацыі зноў шуганула. Гэтым разам успыхнула птушкафабрыка пад Бранскам, піша unian.net.

Адзначаецца, што агонь ахапіў адзін з будынкаў птушкагадоўчага прадпрыемства "Міраторга" ў сяле Уруччы. У выніку інцыдэнту загінуў адзін чалавек.

- Слесар, які пацярпеў пры пажары на бранскай птушкафабрыцы, сканаў. 48-гадовы Аляксей Р. сам спрабаваў патушыць агонь - узяў вогнетушыльнік і пайшоў у эпіцэнтр. Пазней усе супрацоўнікі эвакуаваліся, а пра яго забыліся. Мужчына надыхаўся і пазней памёр, - гаворыцца ў паведамленні.

У выніку пажару выгараў адзін з карпусоў з птушкамі ўнутры. Загаранне да 18:40 цалкам зліквідавалі.

На апублікаваных кадрах відаць, як палае птушкафабрыка. Вялізны стаўбун дыму відаць за кіламэтры.

Пажары ў Расеі - што вядома

На тэрыторыі Расейскай Федэрацыі ўсё часцей адбываюцца пажары. Пры гэтым гараць розныя аб'екты.

Так, у Яраслаўлі загарэўся маторны завод, дзе выраблялі рухавікі для аднаго з расейскіх ядзерных комплексаў ды іншага ўзбраення. 18 сакавіка шугануў пажар у Маскоўскай вобласці на тэрыторыі хімічнага завода.

Таксама гарэлі газаправоды, у тым ліку і тыя, праз якія пастаўляюць газ у Еўропу.

Напісаць каментар 7

Таксама сачыце за акаўнтамі Charter97.org у сацыяльных сетках