Дэпутаты Еўрапарламенту падтрымалі Паліну Шарэнду-Панасюк
2- 21.04.2023, 12:37
- 3,236
Фракцыя Еўрапейскія кансерватары і рэфармісты заклікала неадкладна вызваліць палітвязняў.
Дэпутаты Еўрапейскага парламента з фракцыі «Еўрапейскія кансерватары і рэфармісты» (ECR) заклікалі вызваліць актывістку грамадзянскай кампаніі «Еўрапейская Беларусь» Паліну Шарэнду-Панасюк. У калоніі ў Паліны моцна пагоршылася здароўе.
«Актывістка беларускай апазіцыі Паліна Шарэнда-Панасюк знаходзіцца ў турме ўжо больш за два гады. З ёй рэгулярна вельмі жорстка і бесчалавечна абыходзяцца.
Мы, таксама як яе сям'я і сябры, турбуемся аб пагаршэнні ейнага здароўя і заклікаем беларускага дыктатара Лукашэнку неадкладна вызваліць яе», - напісалі еўрапарламентарыі ў Twitter.
For more than 2 years, Belarusian opposition activist Palina Sharenda-Panasiuk has languished in prison, regularly subjected to extremely cruel and inhuman treatment.
— ECR Group (@ecrgroup) April 20, 2023
Together with her family and friends, we worry for her deteriorating health and urge the Belarusian dictator… pic.twitter.com/lePEdVsn2z
Актывістка грамадзянскай кампаніі «Еўрапейская Беларусь», палітычная зняволеная Паліна Шарэнда-Панасюк зараз знаходзіцца ў калоніі ў гарадскім пасёлку Зарэчча (Гомельская вобласць). Два тыдні таму да яе дапусцілі адваката. Але адвакат даў падпіску аб невыдаванні. Паліна знаходзіцца ў поўнай ізаляцыі.
Падтрымаць палітычную зняволеную можна на адрас: Паліна Сяргееўна Шарэнда-Панасюк, ПК № 24. 247526, вул. Вытворчая, 44, г. п. Зарэчча, Рэчыцкі раён, Гомельская вобласць.
