У Новай Кахоўцы падарваўся на міне расейскі прапагандыст

Загубу пацвердзілі каналы акупантаў.

У сераду, 26 красавіка ў часова акупаванай Новай Кахоўцы Херсонскай вобласці Украіны падарваўся на міне 61-гадовы прапагандыст Сяргей Твецінскі.

Пра гэта паведаміла "Інфармацыйнае супраціўленне" ў Telegram.

Твяцінскі кіраваў грамадскай прымальняй партыі Справядлівая Расія - За праўду ў акупаванай частцы Херсонскай вобласці.

"Загінулы ўваходзіў у адвакацкую палату Калінінградскай вобласці, аднак, прыпыніў свой адвакацкі статус з 22 ліпеня 2022 года, цалкам прысвяціўшы сябе прапагандзе і партыйнай дзейнасці", - гаворыцца ў паведамленні.

Загубу прапагандыста пацвердзілі і каналы акупантаў у Telegram.