Няўзораў: Пуцін хацеў бы адкруціць усё назад

Кіраўнік Крамля залез у смяротную пятлю.

Публіцыст Аляксандр Няўзораў на сваім Youtube-канале выказаў меркаванне, што Пуцін шкадуе аб пачатку вайны з Украінай:

- Расея краіна вельмі датазалежная, 9 траўня для яе - гэта нейкі паваротны момант. - І тое, што ў дзень свайго 9 траўня Расеі даводзіцца баяцца за сваё неба, даводзіцца дрыжаць і чакаць прылёту чаго хочаш, з якога хочаш боку, гэта вельмі знакавая рэч.

У краіне ў многіх месцах скасаваныя парады. Мы бачым, што страх Пуціна павялічваецца.

Я думаю, што ён бы зараз усё на свеце аддаў, каб знайшоўся які-небудзь Хатабыч і перанёс яго ў 22 лютага 2022 года, каб можна было адкруціць назад, каб можна было не ўлезці ў гэтую смяротную пятлю — каб не звязацца з Украінай, ён быў бы гатовы, вядома, на ўсё.

Чарговая «злітая» размова прадстаўнікоў расейскіх эліт, на думку публіцыста, дэманструе настрой у расейскім грамадстве і пацвярджае незваротнасць не толькі падзення пуцінскага рэжыму, але і распаду Расеі.

- Яны кажуць аб тым, што вось «будуць рэзаць у Маскве на вуліцах». Гэта агульны настрой. Вылічыць вектар бяды не цяжка. Ужо ўсё зразумела, ужо ўсе бачаць разбурэнне ўсіх дзяржаўных інстытутаў, урачыстасць крымінальнікаў, усе бачаць, што нават самыя простыя і нібыта разумныя інстытуты ўлады знішчаныя, абсалютна ануляваныя.

Урэшце, многія сусветныя крывавыя імперыі распадаліся -і мангольская, і аўстра-вугоская, і асманская, - распадзецца і Расея.

Мне гэта было зразумела яшчэ ў лютым 2022 года, калі першы бот расейскага салдата ступіў на зямлю Украіны. У гэтую хвіліну ўсё было зразумела, усё далейшае было ўжо непазбежна.

Цяпер мы разумеем, што пуцінізм як такі застаўся доляй альбо маргіналаў, альбо абсалютна непісьменных дзікіх людзей у Расеі. Так, іх вельмі шмат, але яны ніколі нічога не вызначаюць і мяняюць свае палітычныя погляды з каласальнай хуткасцю.

Альбо ён застаўся ўдзелам тых, хто разумее, што катасрофа пуцінізму пахавае і іх саміх. І гэтыя будуць біцца да апошняга і будуць да апошняга псаваць кроў людзям і чалавецтву.

Гэта сутычка мінулага з будучыняй, гэта сутычка пітэкантрапаў і жыхароў іншых гістарычных эпох, - прыводзіць алегорыі Няўзораў.

Ён чарговым разам разважае аб глыбокіх каранях прычын перакручанай свядомасці расейцаў.

- І ў Нямеччыне, і ў СССР у канцэнтрацыйных лагерах катавалі і забівалі. Гэта былі зусім ідэнтычныя злачынствы, што на расейскай поўначы, што на тэрыторыях Польшчы, Чэхіі, Аўстрыі ці Нямеччыны.

Але самая апошняя сакратарка нямецкіх лагераў ужо злоўленая і асуджаная. І ніводзін з тых, хто ў Расеі ажыццяўляў усё гэтае паскудства, не толькі не асуджаны, не толькі не прысуджаны, не толькі не пакараны як бы там ні было, але і цудоўна пражыў жыццё, бразгаючы ордэнамі і наведваючы перыядычна школы.

Дагэтуль гэтыя масавыя рабаванні і забойствы не прызнаныя злачынствамі, сталінскі рэжым не прызнаны злачынствам. І ў гэтым выпадку казаць аб тым, што расейцы могуць адэкватна рэагаваць на вайну ва Украіне, абсалютна немагчыма. Яны па-ранейшаму збіраюцца быць уладарамі свету. Яны не зразумелі, што ў іх няма ні войска, няма ніякіх сіл.

І гэтая ілюзія ўсемагутнасці, ілюзія вышэйшай расы, яна ў расейцаў была заўсёды, яна заўсёды выхоўвалася ўсёй расейскай і савецкай культурай з поўнай пагардай да ўсіх тых народаў, якія засялялі Расею.

Больш за тое, нават у заходніх краінах расейцы выходзяць на антыўкраінскія мітынгі! Уявіце, да якой ступені гэтая поскудзь у іх моцна засела, калі нават жыццё ў цывілізаванай краіне, асалода паветрам рэальнай свабоды іх не лечыць, не мяняе.

Таму што разумнаму чалавеку для таго, каб перастаць быць «расейскай ватай», шуфлікам і расістам, дастаткова адзін раз наведаць Дыснэйлэнд, пасля чаго ён абавязаны зразумець, на якой узбочыне цывілізацыі знаходзіцца Расея — і тэхналагічна, і культурна, і ідэйна, і сэнсава. Але на іх гэта ўсё не дзейнічае, - са шкадаваннем канстатуе пісьменнік.