«Такіх ямін я яшчэ тут не бачыла»

Станам дарог у Баранавіцкім раёне абураныя мясцовыя жыхары.

«Калі ўжо дойдзе чарга да Цешаўля, жахлівая дарога?! Нікому нічога не трэба», - так адрэагавала чытачка intex-press.by на справаздачу райвыканкама аб дарожных працах у Баранавіцкім раёне. І прыклала фатаграфіі праезнай часткі, усеянай глыбокімі ямамі.

На мінулым тыдні Баранавіцкі райвыканкам апублікаваў інфармацыю аб правядзенні дарожных работ у раёне. Паведамлялася аб тым, што дарожнікі цалкам замянілі асфальт на дарозе Падгорная-Калбовічы і прыступілі да работ на адной з вуліц у вёсцы Палонка.

Першы населены пункт, на які звярнулі ўвагу грамадзяне, гэта вёска Цешаўля. Са слоў чытачкі, якая даслала фота дарогі ў гэтай вёсцы, праезная частка ад самога ўезду з трасы Р108 абсыпаная глыбокімі ямамі.

«Нікому нічога не трэба, крыўдна, што такая абыякавасць вакол», - напісала жанчына.

Яшчэ адзін праблемны адцінак, на які звярнулі ўвагу чытачы, гэта дарогі паміж вёскамі Кузевічы і Галынка.

- На гэтым адцінку пастаянна пасля зімы ямы. Грузавікі часта ездзяць сюды-туды, разбіваюць дарогу. Але такіх ям, як сёлета, я яшчэ тут не бачыла! Вялікія, глыбокія, каб іх аб'ехаць, даводзіцца рызыкаваць і выязджаць на сустрэчную паласу, - даслала фатаграфіі разбітай дарогі жыхарка, у якой у тым раёне лецішча.