Навічок у палацы і «васковая ганьба» прапагандыстаў: як хвароба Лукашэнкі скаланула сістэму
34- 16.05.2023, 15:10
- 51,238
Дыктатар нязграбна хавае свае праблемы са здароўем.
На свяце 9 траўня ў Маскве Лукашэнка выглядаў вельмі блага, а потым і зусім знік амаль на тыдзень, з-за чаго сталі хадзіць чуткі пра ягоную хваробу.
15 траўня прэс-служба Лукашэнкі паказала ягонае фота з ненатуральна барвовым тварам і павязкай ад вянознага катэтара. Пазней было апублікаванае фота Лукашэнкі нібыта ў цэнтральным камандным пункце ВПС і войскаў СПА. На ім дыктатар выглядаў як мумія ці васковая фігура з музея.
Сёння Лукашэнка сустрэўся з губернатарам Уладзімірскай вобласці Аляксандрам Аўдзеевым. Рука дыктатара па-ранейшаму перабінтаваная, таксама ён з цяжкасцю размаўляе.
Сайт Charter97.org сабраў актуальную інфармацыю пра здароўе беларускага дыктатара.
Рука Масквы?
Былы віцэ-прэм'ер Расеі Альфрэд Кох мяркуе, што Лукашэнку маглі атруціць.
«Усё гэта моцна падобна да «Навічка». Навошта і каму гэта трэба - цяпер разбярыся. Але адно мы ведаем дакладна: «Навічок» ёсць толькі ў аднаго чалавека. І калі ў Пуціна ёсць план у дачыненні да анэксіі Беларусі, то Лукашэнка яму відавочна замінае», - напісаў Кох у сваім тэлеграм-канале.
З такой здагадкай згодны ўкраінскі журналіст Дзмітрый Гардон.
«Сачыце за Лукашэнкам. Мне здаецца, яго атруцілі і ён хутка памрэ. Сачыце ўважліва за ім», – сказаў Гардон у эфіры YouTube-канала «Хадаркоўскі live».
«Да нядаўняга часу ягонае здароўе не выклікала ніякіх асцярог. Лукашэнка рэгулярна праходзіў медагляды, таму ні запушчанай анкалогіі, ні цяжкіх праблем з сэрцам у яго быць не можа. Усё больш падазрэнняў на атручэнне невядомым рэчывам», - пішуць аўтары тэлеграм-канала «Сеятель ветра».
Вядомы публіцыст Аляксандр Няўзораў таксама кіўнуў, што за хваробамі Лукашэнкі можа стаяць Крэмль:
«Разам са зразумелымі сімптомамі, мясцовыя і запрошаныя медыкі фіксуюць у яго і наяўнасць «невытлумачальных клінічных праяў», якія не ўпісваюцца ні ў якую са «старых хвароб». [...] Стары сабака, якому выразна і адназначна сказалі «плі» - нікуды не бяжыць і нікога не кусае. Так, ён аддана ліжа гаспадарскія туфлікі, але «кідацца і грызці» - адмаўляецца наадрэз. [...] Фінал прадказальны: сабачку ўсыпляюць і тэрмінова заводзяць іншага».
Аналогію з сабакам прывёў і тэлевядучы Савік Шустэр. Аднак ён думае, што смерць беларускага дыктатара не выгадная Маскве.
«Пуціну не трэба труціць яго. Ну дзеля чаго? Вы б атруцілі самага вернага сабаку свайго? Мне сабак таксама шкада. Можа, гэта этычна няправільнае параўнанне. Але ў сэнсе таго, што Лукашэнка - гэта верны сабака. З ім робіш што хочаш, з пункту гледжання Пуціна», - падкрэсліў Шустэр.
У сваю чаргу экс-дарадца кіраўніка офіса прэзідэнта Украіны Аляксей Арэстовіч у эфіры Фейгін Live звярнуў увагу, што ў Маскву беларускі дыктатар прыехаў ужо ў няважным стане:
«Апавяданні, што Лукашэнку атруціў Пуцін…Ну ён жа прыехаў у Маскву ўжо хворы. Думаю, у яго натуральная чалавечая хвароба, а можа быць і не».
Пра што гавораць сімптомы
Лекар-траўматолаг Аляксей Носаў расказаў сайту Charter97.org, што можа адбывацца з дыктатарам, зыходзячы з вонкавых прыкмет.
«У Лукашэнкі поўнасцю разламаны апорна-рухальны апарат. Мяркуючы з хады, яму не дае спакою каленны сустаў. Яшчэ ўключыўся і тазасцегнавы, мяркуючы з таго, як ён падцягвае нагу. Хутчэй за ўсё, з хрыбетнікам ёсць пытанні, зыходзячы з таго, як ён устае і садзіцца».
Таксама Аляксей пракаментаваў павязку на руцэ Лукашэнкі, якая заўважная на ўсіх апошніх фатаграфіях:
«Гэта не можа быць ніякі траўматызм. Гэта, хутчэй за ўсё, перакрыцце шнараў або катэтараў».
Таксама лекар пацвердзіў інфармацыю аб цукровым дыябеце і грыжы міжпазваночнага дыску ў дыктатара.
Палітолаг Дзмітрый Балкунец паведаміў падрабязнасці аб цяжкім стане дыктатара.
«Паведамляюць, што на фоне раптоўнай хваробы ў Лукашэнкі зноў узніклі праблемы з сэрцам. Некалькі гадоў таму ён перанёс на нагах інфаркт», - напісаў Балкунец.
Больш падрабязна пра апошнія праблемы са здароўем Лукашэнка распавёў тэлеграм-каналу ВЧК-ОГПУ крыніца, знаёмая з сітуацыяй:
«Праблемы з сэрцам, праблемы з эндакрыннай сістэмай, праблемы з агульным самаадчуваннем. Аднак, пасля ўсіх даследаванняў дашлі да высновы, што аперацыя пакуль не патрэбная. Ідзе лячэнне, сам Лукашэнка пасля інфармацыйнай шуміхі хоча з'явіцца на людзях у аўторак і супакоіць. Варта адзначыць, што дабіцца моцнага паляпшэння самаадчування ўжо не атрымаецца. Так і будзе са шпіталізацыямі».
Тэлеграм-канал «Беларуская выведка» падзяліўся сваёй версіяй аб стане здароўя дыктатара
«Лукашэнка захварэў 29 красавіка і перахаджваў на нагах без высокай тэмпературы. Дыягназ Грып Тып В і Covid пад пытаннем. Горш стала пасля суботніка. Пасля наведвання Масквы паводле вынікаў УГД і аналізаў прыступілі да лячэння нязначнага запалення сардэчнай мышцы (міякардыт). Цяпер ён на кропельніцах, вядома, што актыўна ўводзяць прэпараты з супрацьзапаленчым гармонам».
«Нам стаў вядомы дыягназ: інфекцыйна-алергічны міякардыт на фоне перанесенай віруснай інфекцыі. Дыягназ быў пастаўлены з нязначнымі зменамі на Эха кардыяграме і наяўнасці С-бялку ў крыві і іншых змененых параметрах крыві. Прызначанае лячэнне і пасцельны рэжым», - паведаміў тэлеграм-канал «Беларуская выведка».
Медыцынская экспэртка Марына Ерына звярнула ўвагу, што Лукашэнка вельмі марудна і неяк праз сілу ходзіць.
«Гэта можа казаць і пра перанесеную знясільвальную хваробу, той жа грып ці Covid-19. А можа паказваць на болевы сіндром тазасцегнавога ці каленнага сустава, які ён спрабуе падолець, але гэта не ўдаецца…. Можна выказаць здагадку пра кілу або пратрузію дыскаў пазваночніка ... Бо ён высокага росту - больш за 182 см, не худзенькі, ды і ўзрост (68 гадоў) найбольш уразлівы для такіх захворванняў», - адзначыла Ерына.
Няўдалая праца прапагандыстаў
Пакуль медыкі спрабавалі паставіць дыктатара на ногі, набліжаны да Наталлі Эйсмант тэлеграм-канал замест Лукашэнкі вырашыў паказаць зайца.
«Навічок» у палацы Незалежнасці», - падпісанае відэа.
Пазней набліжаныя да Лукашэнкі прапагандысты ўсё ж такі падумалі, што далей яго хаваць нельга і апублікавалі моцна адрэтушаванае фота хворага дыктатара, які выглядаў як васковая фігура. Пазней фатаграфія была выдаленая, але здымак паспеў шырока разысціся ў Сеціве.
Усё пагоршыла відэа з нарады, на якой рэальны стан Лукашэнкі асабліва заўважны на кантрасце з адрэтушаваным фота: бледнасць і азызласць твару і цёмныя мяшкі пад вачыма схаваць не ўдалося. У дадатак у роліку дыктатар хрыпіць і гаворыць з цяжкасцю, магчыма, яму цяжка дыхаць.
Усе спробы даказаць, што дыктатар бадзёры і вясёлы, з трэскам праваліліся. Кепская праца лукашэнкаўскіх прапагандыстаў стала асобнай тэмай для жартаў і каментароў. Найлепшыя мэмы можна паглядзець праз спасылку.
Бізнэсовец Аляксандр Кныровіч у інтэрв'ю «Звычайнай раніцы» выказаўся аб рэакцыі на тое, што адбываецца, набліжанага да кіраўніка тэлеграм-канала.
«Пул першага» паводзіць сябе вельмі дзіўна. Такой разгубленасці, такога стану неразумення, куды веславаць… Бо ім ніхто не камандуе, што казаць».
Валер Карбалевіч думае, што зараз ідзе другі этап дэсакралізацыі Лукашэнкі:
«Мы бачым сітуацыю, калі правадыр нязграбна хавае свае праблемы са здароўем, а яны ўсё адно вылазяць вонкі на вачах у абывацеля».
«Відаць, у шоку былі нават журналісты пула. Зрэшты, абслуга яскрава паказала сваю бездапаможнасць ва ўсёй красе. Спачатку доўга маўчалі, бо не ведалі, што сказаць. А калі сказалі, то стала зразумела, што лепш было маўчаць і надалей», — напісаў тэлеграм-канал «Нік і Майк».
«Эйсмант некампетэнтная, мы гэта бачылі ў 2020-м годзе, калі яна паказала сваю поўную неадэкватнасць і няўменне працаваць з інфармацыйнымі каналамі. Тады вымушаныя былі замовіць за грошы аднаго з сяброў Лукашэнкі прывоз расейскіх прапагандыстаў, якія дапамагалі Эйсмант у выхадзе з сітуацыі», - заявіў у інтэрв'ю Charter97.org палітолаг Дзмітрый Балкунец.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
