Беспілотнік учыніў перапалох у цэнтры Масквы

Дрон знайшлі на тэрыторыі Акадэміі воднага транспарту.

Беспілотнік знайшлі на тэрыторыі Акадэміі воднага транспарту ў цэнтры Масквы.

Пра гэта паведамляе расейскі тэлеграм-канал «База».

Дрон з камерай знайшоў ахоўнік падчас ранішняга абходу тэрыторыі ВНУ на Новаданілаўскай набярэжнай.

Цяпер на месца едуць супрацоўнікі паліцыі. Таксама чакаюць прыезд узрыватэхнікаў. Хто запусціў беспілотнік, і як ён трапіў на тэрыторыю - невядома.