Узялі ў распрацоўку: Салаўёў заявіў аб падрыхтоўцы ягонай ліквідацыі

Прапагандыст баіцца за сваё жыццё.

Расейскі прапагандыст Уладзімір Салаўёў пачаў панікаваць - яго нібыта хочуць ліквідаваць украінцы.

Мяркуючы з усяго, сталыя неадэкватныя заявы і распальванне вайны ўжо давялі ўкраінцаў, піша glavred.info са спасылкай на расейскія СМІ.

«Пасля эфіру прыйшло паведамленне ад аднаго з маіх агентаў, які кажа: «Глядзі акуратней. Таму што яны зноў ажывіліся і атрымалі прамое ўказанне… Цябе зноў узялі ў распрацоўку, калі можаш, пазбягай адкрытых прастор, спортам не займайся». Так што ў спісе мэт для ўкраінцаў я займаю высокае першае месца. Значыць, у сваім жыцці я нешта раблю добра», - заявіў Салаўёў.