Расейскія СМІ паведамілі аб спробе прарыву ўкраінскіх вайскоўцаў у Белгарадскую вобласць

Завязаўся бой.

Пракрамлёўскія тэлеграм-каналы Baza, Mash і Shot у суботу ўдзень паведамілі пра спробу прарыву ўзброенай групы з тэрыторыі Украіны ў Белгарадскую вобласць.

Baza сцвярджае, што ўвечары 19 траўня ўзброеныя аўтаматамі Калашнікава, гранатамётам, снайперскімі вінтоўкамі і кулямётамі людзі ўступілі ў перастрэлку з расейскімі памежнікамі.

Інцыдэнт, як сцвярджаецца, адбыўся за адзін кіламетр ад мяжы, у раёне вёскі Чырвоны Хутар.

Аперштаб Белгарадскай вобласці паведаміў, што інфармацыя аб спробе прарыву дыверсійнай групы з тэрыторыі Украіны не адпавядае рэчаіснасці.