У Крыме прагрымеў выбух на аэрадроме расейскіх акупантаў

Выведзены са строю вайсковы гелікаптэр Мі-8.

У акупаваным войскамі агрэсара Расеі Крыме на вайсковым аэрадроме Кача, які знаходзіцца непадалёк ад Севастопаля, прагрымеў выбух. Там базуецца авіяполк захопнікаў. У выніку пашкоджаны і выведзены са строю вайсковы гелікаптэр Мі-8. У найбліжэйшых населеных пунктах узмацнілі фільтрацыйныя мерапрыемствы.

Як паведамляе «РБК-Украіна» са спасылкай на крыніцы ва ўкраінскай разведцы, недзе а гадзіне ночы на аэрадроме Кача каля Севастопаля, дзе знаходзіцца 318-ы асобны змешаны авіяцыйны полк акупантаў, адбыўся выбух.

Пашкоджаны і выведзены са строю вайсковы гелікаптэр расейскіх захопнікаў Мі-8.

«У часова акупаваным Крыме чарговая «бавоўна». У выніку выбуху а гадзіны ночы пашкоджаныя і выведзены са строю вайсковы гелікаптэр Мі-8 са складу 318 палка», – адзначыў суразмоўца.