Украінскія памежнікі распляжылі суполкі акупантаў-штурмавікоў у Бахмуце

Вораг страціў цэлую штурмавую групу.

Байцы Дзяржаўнай памежнай службы зліквідавалі суполкі расейскіх акупантаў у Бахмуце, якія планавалі перайсці ў наступ.

Пра гэта паведаміла прэсавая служба ДПСУ.

«Убачыць Бахмут і памерці: памежнікі працягваюць «акцыю мінусавання» акупантаў. Мінамётнікі і аэравыведнікі ДПСУ зліквідавалі асяородкі захопнікаў у Бахмуце, якія планавалі перайсці ў наступ. Асачыўшы месца назапашвання і дачакаўшыся засяроджвання пэўнай колькасці акупантаў у руінах, нашы байцы адпрацавалі мінамётамі», - гаворыцца ў паведамленні.

Адзначаецца, што вораг страціў цэлую штурмавую групу: 7 двухсотых і 4 трохсотых.

Як паведамляў сайт Charter97.org, 20 траўня верхавод «вагнерцаў» Яўгеній Прыгожын заявіў аб нібыта поўным узяцці ягонымі ваеўнікамі Бахмута.

Гэтыя заявы зняпраўдзілі прадстаўнікі ўкраінскай улады і УСУ.

Так, 21 траўня прэзідэнт Украіны Уладзімір Зяленскі падкрэсліў, што ўкраінскія вайскоўцы ўсё яшчэ знаходзяцца ў Бахмуце, а места не аточаныя расейцамі.

Ва ўкраінскім Мінабароны ўдакладнілі, што Сілы абароны Украіны ўсё яшчэ кантралююць прамысловыя і інфраструктурныя аб'екты ў месце, а таксама ўзялі Бахмут у паўатачэнне.